तू रक्षियले देशाला
न्यायनीती आदर्शाला
तू जगविले धर्माला ||
दुष्ट आक्रमक लोळविले
सज्जनांस तू वाचविले
राज्य आपुले स्थापियले ||
जातपात तुज मान्य नसे
प्रांतभेद तुज ठाव नसे
सर्वधर्म समभाव असे ||
देशाच्या एकत्वाचे
ध्येयपूर्तता करण्याचे
राज्य हिंदवी मोलाचे ||
महापराक्रमी तूच खरा
राजनीती चाणक्य खरा
त्यागाचा आदर्श खरा ||
तू प्रेरक नवतरुणांचा
तू प्रतिक चारित्र्याचा
राष्ट्रपुरुष या देशाचा ||
शिवरायाचा जयजयकार
जिजाऊचा जयजयकार
भारताभूचा जयजयकार ||
जय भवानी जय शिवराय
No comments:
Post a Comment