शिवाजी राजे

शिवाजी राजांबद्दल   इतिहासात वाचले  तर खरचच मन थक्क होते . कारण त्यांचा इतका अष्टपैलू , अष्टावधानी माणूस अजून कोणीच पाहिला नसेल . कारण आदर्श राज्यकर्ता ,थोर सेनानी ,प्रजादक्ष ,धर्माभिमानी ,परधर्मसहिष्णू  ,चारित्र्यसंपन्न ,दूरदृष्टीचा  असा हा जाणता राजा जगाच्या इतिहासात सापडणे अशक्य  कारण मुलगा ,बाप ,पती ,मित्र ,शिष्य ,इत्यादी संसारी नात्यांनी देखील घडणारे या महापुरुष दर्शन मन भरून टाकणारे आहे .

 शिवाजी राजे हे धार्मिक होते पण धर्मभोळे नव्हते ; व्यवहारी होते पण ध्येयशून्य नव्हते .श्री च्या राज्यांचे स्वप्न पाहणारे स्वप्नाळू आणि ते स्वप्न वास्तवात उतरवणारे कठोर वास्तववादी होते. शिवाजी राजांनी शून्यातून विश्व तयार केले आणि हे विश्व तयार करताना जनतेच्या ऐहिक  कल्याणाची जबाबदारी आपली आहे हे ते कधीही विसरले नाही .

राजांचे एका वाक्याला अजूनही आवाहन नाही " मी शत्रूशीच  शत्रू म्हणून वागलो , मित्रांना दगा दिल्याचे दाखवा "

 खरचंच या जाणत्या राजाला मानाचा मुजरा आणि इतक्या महान व्यक्तीला  घडवणाऱ्या माता जिजाबाई  ज्यांनी शिवाजीला लहानपणी दंत कथा सांगून बाळकडू पाजले .प्रसंगी कारभार हातात घेऊन स्वराज्याच्या स्थापनेत मोलाच वाटा उचलणाऱ्या  या माता जिजाबाई यांना मानाचा मुजरा .